Il-Familja Mqaddsa
Fabian Demicoli fl-ewwel parti tal-programm ser jitkellem ma’ Mons Anton Teuma , Isqof ta’ Għawdex, dwar il-familja. Illum nistgħu ngħidu li jeżistu diversi tipi ta’ familji, għallkemm dik tradizzjonali u kif ħoloqha Alla hija dik familja li tikkonsisti f’mara u raġel u t-tfal. Allura wieħed jistaqsi x’inhuma l-isfidi li jiltqgħu magħhom illum dawn il-familji? X’inhu l-aktar important għat-trobbija tat-tfal? Miriam Christine Borg tkellmet ma Rodianne Galea, omm żagħżugħa li barra li flimkien ma’ żewġha qed irabbu tlett it-tfal. Xi 11-il sena ilu bdiet tiffosterja tarbija . Omm li għażlet li tiddedika ħajjitha għat-trobbija tat-tfal . Fr Louis Mallia mssp jispjega l-Evanġelju li jinqara fil-quddies is-Sibt fil-għaxija u l-Ħadd . Wieħed jista jżur il-pagna ta' Facebook jew jidħol fl-app Tbissima.mt Aħbar Tajba qed ikun ukoll aċċessibbli bil-lingwa tas-Sinjali fil-Lingwa Maltija. Produzzjoni Eżekuttiva ta’ CPi Media. Produzzjoni ta’ Marthese Brincat, Fabian Demicoli u Miriam Christine Borg Direzzjoni Televiżiva ta’ Fr. Louis Mallia mssp AĦBAR TAJBA nhar is-Sibt 30 ta’ Diċembru fl-10:00 b’repetizzjoni l-Ħadd fid-09:00 fuq TVM.
