Bulimia
Il-Bulimia, huwa s-suġġett li Fabian Demicoli ser jiddiskuti fl-ewwel parti tal-programm AĦBAR TAJBA ta’ din il-ġimgħa. Jeannette Fiott – mill-Crisis intervention Malta, hija l-mistiedna . Jeannette hija psikoterapista u għandha esperjenza ma’ persuni li kellhom din il-kundizzjoni. Għaliex persuna tkun trid tneħħi dak li tiekol? Din hija marda psikoloġika biss jew hija marda ereditarja? Il-familjari kif jindunaw li tifel jew tifla għandha din il-kundizzjoni u tieħu azzjoni qabel ma jkun tard wisq? Fit-tieni parti Miriam Christine Borg mat-tim ta’ CPi Media marret ir-Rabat, propjament fil-kunvent ta’ Ġieżu, fejn tkellmet ma’ Fr Lorrie Zerafa, Franġiskan dwar kif hu flimkien ma’ patrijiet oħra jgħinu lin-nies li jmorru biex jieħdu kull tip ta’ għajnuna, kemm soċjali, spiritwali u morali. Fil-fatt Miriam tistaqsih jekk ir-Rabtin għadhomx ifittxu li jitkellmu ma’ saċerdot biex jiftħu qalbhom miegħu. Fl-aħħarnett Fr Louis Mallia mssp jispjega l-Evanġelju li jinqara fil-quddies is-Sibt fil-għaxija u l-Ħadd . Wieħed jista jżur il-pagna ta' Facebook jew jidħol fl-app Tbissima.mt Aħbar Tajba qed ikun ukoll aċċessibbli bil-lingwa tas-Sinjali fil-Lingwa Maltija. Produzzjoni Eżekuttiva ta’ CPi Media. Produzzjoni ta’ Marthese Brincat, Fabian Demicoli u Miriam Christine Borg Direzzjoni Televiżiva ta’ Fr. Louis Mallia mssp AĦBAR TAJBA nhar is-Sibt 27 ta’ Jannar fl-10:00 b’repetizzjoni l-Ħadd fid-09:00 fuq TVM.
