Relazzjonijiet
Dalwaqt ser niċċelebraw Jum il-Maħbubin fil-11 ta’ Frar, għalhekk Fabian Demicoli ser jiddiskuti r-Relazzjonijiet ma’ Matthew Bartolo. X’inhuma d-diffikultajiet li qed jiltaqgħu magħhom il-koppji llum? Kemm hi mportanti l-komunikazzjoni bejn koppja anke meta jiġu t-tfal? U anke bejn l-għarajjes? Waqt id-diskussjoni ser ikollna lill Paul Cutajar li ser jagħti l-opinjoni tiegħu wkoll. Fit-tieni parti Miriam Christine Borg tkellmet ma’ Fr Franco Fenech dwar il-ħidma tiegħu fil-parroċċa u anke ma’nies li jkunu għaddejjin minn diffikultajiet kbar. Fl-aħħarnett Fr Louis Mallia mssp jispjega l-Evanġelju li jinqara fil-quddies is-Sibt fil-għaxija u l-Ħadd . Wieħed jista jżur il-pagna ta' Facebook jew jidħol fl-app Tbissima.mt Aħbar Tajba qed ikun ukoll aċċessibbli bil-lingwa tas-Sinjali fil-Lingwa Maltija. Produzzjoni Eżekuttiva ta’ CPi Media. Produzzjoni ta’ Marthese Brincat, Fabian Demicoli u Miriam Christine Borg Direzzjoni Televiżiva ta’ Fr. Louis Mallia mssp AĦBAR TAJBA nhar is-Sibt 3 ta’ Frar fl-10:00 b’repetizzjoni l-Ħadd fid-09:00 fuq TVM. #ahbartajba #cpimedia
