Social Media
Ilna żmien ngħidu li l-Media Soċjali għandha qawwa enormi biex tinfluwenza lill min jużaha. Illum anke tfal min eta’ żgħira jafu jħaddmu l-mobile tal-ġenituri u anke xi kultant tagħhom stess. Dan huwa tajjeb? Kemm għandna noqgħodu attenti u naraw kif qed jużaw is-social media t-tfal? Minn liema eta’ l-ġenituri għandhom jagħtu lit-tfal il-mobile? Kemm hu mportanti li ma ngħamlux it-televiżjoni fil-kmamar tat-tfal? Kemm għandna nħalluhom siegħat jilgħabu fuq il-mobile jew computer? George Cremona, għalliem propju ta-social media l-Università huwa l-mistieden ta’ Fabian Demicoli fl-ewwel parti tal-programm. Christine Delicata xandara wkoll ser titkellem fuq skype dwar is-social media. Miriam Christine Borg flimkien ma’ Fr Louis Mallia mssp ma tantx marru l-bogħod għax tkellemu ma Fr Giovann Tabone mssp, fid-Dar De Piro li tinsab Santa Venera. Fr Giovann jieħu ħsieb il-vokazzjonijiet mssp, u jaħdem maż-żgħażagħ fil-kulleġġ SPMC u anke ma żgħażagħ oħra li kienu xi darba jattendu dan il-kulleġġ jew oħrajn li jiltaqa’ magħhom u juru x-xewqa li jkunu jafu aktar dwar il-kariżma mssp u dwar is-sacerdozju. Fr Louis Mallia mssp jispjega l-Evanġelju li jinqara fil-quddies is-Sibt fil-għaxija u l-Ħadd . Wieħed jista jżur il-pagna ta' Facebook jew jidħol fl-app Tbissima.mt Aħbar Tajba qed ikun ukoll aċċessibbli bil-lingwa tas-Sinjali fil-Lingwa Maltija. Produzzjoni Eżekuttiva ta’ CPi Media. Produzzjoni ta’ Marthese Brincat, Fabian Demicoli u Miriam Christine Borg Direzzjoni Televiżiva ta’ Fr. Louis Mallia mssp AĦBAR TAJBA nhar is-Sibt 20 ta’ Jannar fl-10:00 b’repetizzjoni l-Ħadd fid-09:00 fuq TVM.
