Knisja Ħajja
Il-Knisja Maltija hija Ħajja jew Mejta? Din hi l-mistoqsija li Fabian Demicoli ser jistaqsi lill Fr Daniel Cardona, Arċipriet tal-parroċċa taż-Żurrieq. X’jagħmel knisja ħajja jew mejta? Il-poplu nisrani jista’ jagħti kontribut u jekk iva kif? Kemm aħna l-Maltin, barra mill-festi, nagħmlu knisja ħajja bl-attivitajiet li nistgħu ngħinu norganiżżaw? Miriam Christine Borg flimkien ma’ Fr louis Mallia mssp marru r-Rabat, propjament is-Seminarju tal-Virtù fejn tkellmet ma’ Fr James Saydon dwar it-tħejjija tas-seminaristi li jkunu qed jippreparaw ruħhom għas-saċerdozju,. Kif ukoll ix-xogħol tiegħu bħalha Chaplain tal-istess skola fejn jattendu mas-600 tifel fi skola primarja u sekondarja. Fr Louis Mallia mssp jispjega l-Evanġelju li jinqara fil-quddies is-Sibt fil-għaxija u l-Ħadd . Wieħed jista jżur il-pagna ta' Facebook jew jidħol fl-app Tbissima.mt Aħbar Tajba qed ikun ukoll aċċessibbli bil-lingwa tas-Sinjali fil-Lingwa Maltija. Produzzjoni Eżekuttiva ta’ CPi Media. Produzzjoni ta’ Marthese Brincat, Fabian Demicoli u Miriam Christine Borg Direzzjoni Televiżiva ta’ Fr. Louis Mallia mssp AĦBAR TAJBA nhar is-Sibt 13 ta’ Jannar fl-10:00 b’repetizzjoni l-Ħadd fid-09:00 fuq TVM.
