Is-Sens Veru tal-Milied
"Peress li dan il-programm jixxandar jumejn qabel il-festa sabiħa u mportanti tal-Milied, ħsibna li niddedikaw l-ewwel parti tal-programm ma’ Mons Isqof t’Għawdex Anton Teuma. Fejn ser jitkellem x’għandu jfisser il-Milied għalina l-insara. Ic-ċelebrazzjoni tal-Inkarnazzjoni ta’ Ġesu’ li hu Alla u bniedem. Din il-ġurnata għandha tkun ta’ bidu ġdid għalina biex inħallu dak kollu li hu ħazin u nħallu t-tajjeb tagħna. Il-Ħadd 24 ta’ Diċembru meta jerġa’ jixxandar dan il-programm ikun lejliet il-Milied u r-raba’ Ħadd tal-Avvent ukoll, għalhekk Fr Louis ser iwieġeb għall mistoqsijiet ta’ l-Evanġelju li jinqara fil-knejjes tagħna, wara li Miriam Christine Borg tkellmet mal-Madre Superjura tal-Agostinjani Sr Rachel Frendo, dwar is-sejħa tagħha għall-soru Agostinjana. Xi sfidi tiltaqa’ magħhom fil-mixja tagħha bħalha Madre Superjura? Kemm hu mportanti għaliha t-talb u li tipprova tgħin lill ħutha s-sorijiet. Araw dan l-programm tal-lum għax b’xi mod ser jagħtikom il-paċi li kull wieħed u waħda minnha għandna bżonn f’dan iż-żmien sabiħ. Wieħed jista jżur il-pagna ta' Facebook jew jidħol fl-app Tbissima.mt Aħbar Tajba qed ikun ukoll aċċessibbli bil-lingwa tas-Sinjali fil-Lingwa Maltija. Produzzjoni Eżekuttiva ta’ CPi Media. Produzzjoni ta’ Marthese Brincat, Fabian Demicoli u Miriam Christine Borg Direzzjoni Televiżiva ta’ Fr. Louis Mallia mssp AĦBAR TAJBA nhar is-Sibt 23 ta’ Diċembru fl-10:00 b’repetizzjoni l-Ħadd fid-09:00 fuq TVM
