World Youth Day
Fl-ewwel parti tal-programm tal-lum Fabian Demicoli ser jitkellem ma’ Maria Emma Buhagiar dwar l-esperjenza tagħha f’Lisbona fil-ġurnata mondjali taż-żgħażagħ 2023. Għalfejn xtaqet tagħmel din l-esperjenza? Kif ħassitha meta ltaqgħet ma tant nies oħra minn pajjiżi differenti mid-dinja kollha? Kif laqatha l-kliem tal-Papa Franġisku? Gabriel Lia li wkoll għamel din l-istess esperjenza tkellem dwar x’impatt ħalliet fuqu. Fit-tieni parti Miriam Christine Borg marret il-Kurja ta’ l-Arċisqof fejn tkellmet ma Rev Prof Carl Sultana dwar l-Edukazzjoni Reliġjuża. X’inhi? Għaliex hija mportanti fl-għixien tal-ħajja tal-bniedem? Fl-aħħarnett Fr Louis Mallia mssp jagħmel l-ispjega tal-Evanġelju li jinqara fil-knejjes kemm is-Sibt fil-għaxija u kemm il-Ħadd. Wieħed jista jżur il-pagna ta' Facebook jew jidħol fl-app Tbissima.mt Aħbar Tajba qed ikun ukoll aċċessibbli bil-lingwa tas-Sinjali fil-Lingwa Maltija. Produzzjoni Eżekuttiva ta’ CPi Media. Produzzjoni ta’ Marthese Brincat, Fabian Demicoli u Miriam Christine Borg Direzzjoni Televiżiva ta’ Fr. Louis Mallia mssp AĦBAR TAJBA nhar is-Sibt 16 ta’ Diċembru fl-10:00 b’repetizzjoni l-Ħadd fid-09:00 fuq TVM.
