Stephania Dimech Sant
Waqt Aħbar Tajba tal-lum u fl-ewwel parti tal-programm Fabian Demicoli ser jitkellem ma' Stephania Dimech Sant, li għall-bosta snin kien CEO tal-Fondazzjoni Richmond, speċjalista fis-saħħa mentali u l-politika soċjali fost il-ħafna esperjenzi ta’ kważi 30 sena f’oqsma ta’ benesseri soċjali, psikosoċjali u wellbeing korporattiv. Fil-fatt bħalissa qed tħaddem programmi ta’ taħriġ fuq stress anke fit-tfal, issa wkoll li ħafna studenti bdew l-iskola, u anke Università. Anke dan l-istess kif qed jaffettwa lill-ġenituri. Fuq dan ser jitkellem Fabian ma’ Stephania. Fit-tieni taqsima Annalise Penza waqt il-podcast tagħha flimkien mal-mistiedna ser titkellem dwar is-sesswalità u l-identità; Liberazzjoni jew piż żejjed ta’ tikketti? Ser tistaqsi hemm wisq pressjoni. Biex tiddefinixxi lilek innifsek minn ta eta’ żgħira? Fl-ahharnett Fr Louis Mallia mssp ser iwieġeb għall-mistoqsijiet li ser tgħamillu Maria Emma Buhagiar dwar l-Evanġelju li jkun ser jinqara fil-quddies tas-Sibt fil-għaxija u l-quddies tal-Ħadd.
