Julieta Villar via Catholic News Agency

Ftit jiem qabel il-Milied, il-Kardinal Fernando Chomali, Arċisqof ta’ Santiago (Ċilì), qasam sitt ideat għal rigali. 

“Il-Milied huwa żmien prezzjuż biex tagħti,” qal il-kardinal f’messaġġ bil-vidjo li xerred fuq il-midja soċjali, u elenka sitt rigali “meraviljużi” għal tmiem l-2025: 

1. Ċempel lill-persuna li tilfet lil xi ħadd għażiż. 
2. Agħmel ġest ta’ paċi mal-ġar tiegħek, mal-ħabib tiegħek, jew ma’ dak il-kollega tax-xogħol li ma tħobbx. Agħmel ġest ta’ paċi. 
3. Ibgħat messaġġi pożittivi permezz tal-midja soċjali, messaġġi ta’ tama. 
4. Stieden lil xi ħadd li jkun waħdu għal pranzu f’darek, kun kuraġġuż. 
5. Tużax skrins. F’dawn il-ġranet meta tiekol mal-familja tiegħek: l-ebda skrins. 
6. (U l-aktar importanti) Morru u ċċelebraw il-Quddiesa fil-parroċċa tagħkom, fil-kappella tagħkom, fil-katidral, għax dak huwa l-mument kulminanti fejn nagħrfu li Alla hu mħabba. 

“Nwegħdek li nitlob għalikom. Se nkun qed nitlob għalikom dakinhar,” assigura l-kardinal, waqt li awgura lil kull wieħed u waħda “Milied it-Tajjeb mal-familja tagħkom u sena 2026 mill-isbaħ” u bagħat il-barka tiegħu.