Jonah McKeown via Catholic News Agency
Il-Papa Ljun XIV, l-ewwel Papa li ġie mill- Ordni ta’ Santu Wistin (OSA), għamel żjara kmieni ħafna fil-pontifikat tiegħu fis-Santwarju tal-Omm tal-Bon Kunsill f’Genazzano, l-Italja, ħdejn Ruma. Fiha xbieha famuża tal-Verġni Marija li skont it-tradizzjoni dehret hemm taħt ċirkostanzi mirakolużi.
Magħrufa bit-titlu “Il-Madonna tal-Bon Kunsill” jew “Omm tal-Kunsill it-Tajjeb,” ix-xbieha żgħira tal-Verġni Marija li tinsab fil-knisja ta’ Genazzano ilha għażiża għall-Agostinjani għal sekli sħaħ. L-Agostinjani tal-Midwest, li l-Papa Ljun II mexxa bħala pirjol provinċjali qabel l-elezzjoni tiegħu, jissorveljaw il- Provinċja ta’ Omm tal-tal-Bon Kunsill.
Waqt iż-żjara tiegħu fil-knisja fl-10 ta’ Mejju, il-Papa tkellem dwar il-protezzjoni tal-Verġni Marija u l-importanza tad-devozzjoni lejha. Huwa talab fuq l-artal u quddiem ix-xbieha Marjana hemmhekk, u talab ukoll talba lill-Omm tal-Bon Kunsill mal-assemblea.
“Hekk kif omm qatt ma tabbanduna lil uliedha, intom ukoll tridu tkunu fidili lejn l-Omm,” qal il-Papa Ljun l-Kbir.
Min hi l-Madonna tal-Bon Kunsill?
It-titlu ta’ “Parir it-Tajjeb” mogħti lil Marija huwa rikonoxximent ta’ omm Kristu bħala sors ta’ għerf u gwida tas-sema.
Skont it-tradizzjoni, fil-25 ta’ April 1467, il-festa ta’ San Mark, sħaba misterjuża niżlet fuq knisja antika deterjorata tas-seklu ħamsa f’Genazzano, li qabel kienet iddedikata lill-Madonna tal-Bon Kunsill u kienet qed tiġi rrinovata mill-Agostinjani, wara li kienet ġiet fdata lil dak l-ordni fl-1356.
Meta s-sħaba sparixxiet, instabet xbieha fraġli tal-Verġni Mbierka u t-Tifel fuq folja rqiqa tal-ġibs. Il-pittura, ta’ madwar 18-il pulzier kwadru, jingħad li kienet imdendla f’nofs l-arja, sospiża mingħajr appoġġ.
Kien maħsub b’mod wiesa’ li x-xbieha — li jingħad li tmur lura għal żmien l-appostli — kienet ġiet ittrasportata mirakolożament lejn l-Italja minn knisja fil-belt kapitali tal-Albanija, Scutari, eżatt qabel l-invażjoni tagħha mill-Ottomani fl-istess sena. Madankollu, kif jgħidu l-Agostinjani tal-Midwest , testijiet xjentifiċi li saru fis-snin ħamsin taw evidenza li x-xbieha żgħira probabbilment kienet miżbugħa xi żmien bejn l-1417 u l-1431 għall-knisja u kienet miżbugħa fuqha qabel ma ġiet skoperta meta armla fqira tat dak kollu li kellha biex tiffinanzja r-rinnovazzjoni tal-knisja.
Irrispettivament minn kif waslet, fix-xhur ta’ wara d-dehra tax-xbieha, qassis lokali li kien qed jaġixxi bħala nutar irreġistra aktar minn 160 miraklu, inkluż fejqan fiżiku, talb imwieġeb, u konverżjonijiet drammatiċi.
Ħafna mill-knisja tal-Madonna tal-Bon Kunsill ġiet meqruda matul it-Tieni Gwerra Dinjija, iżda x-xbieha baqgħet intatta u f’postha. Illum tinsab f’kappella żgħira li tifforma l-qalba tal-knisja.
Kif deskritt minn EWTN Vatican, il-Verġni Marija hija murija liebsa mantell blu — li jissimbolizza l-umanità — filwaqt li t-tifel Ġesù jilbes libsa ħamra, li tfisser id-divinità tiegħu. Wiċċ Marija jirrifletti t-tradizzjoni artistika klassika, filwaqt li t-tifel juri karatteristiċi tal-istil Biżantin, li jissimbolizzaw għaqda bejn il-Lvant u l-Punent. Fuqhom hemm qawsalla, is-sinjal bibliku tal-paċi.
Matul is-snin, għadd kbir ta’ papiet — inklużi papiet qaddisin — żaru l-knisja f’Genazzano jfittxu l-gwida u l-għerf ta’ Marija, u ppromwovew id-devozzjoni lejn il-Madonna taħt dan it-titlu.
Il-Papa Urban VII (1521–1590) talab għat-tmiem ta’ pesta f’Ruma; il-Papa Piju IX talab l-interċessjoni tal-Verġni qabel il-Konċilju Vatikan I, li beda fl-1869.
Leo XIII, il-predeċessur spiritwali ta’ Leo XIV u devot tal-Madonna tal-Bon Kunsill, żied l-invokazzjoni “Mater boni concili, ora pronobis” (“Omm tal-Bon Kunsill, itlob għalina”) mal-Litanija ta’ Loreto fl-1903. Leo XIII approva wkoll l-iskapular abjad tal-Madonna tal-Bon Kunsill u fdah lill-Agostinjani.
Fi żminijiet aktar reċenti, San Ġwanni XXIII mar fis-santwarju biex, bl-istess mod bħal Piju IX, ifittex gwida għall-Konċilju Vatikan II. San Ġwanni Pawlu II approva d-devozzjoni waqt żjara fil-knisja fit-22 ta’ April 1993 , u ftit wara kkonsagra l-Albanija lill-Madonna tal-Bon Kunsill. Il-Papa Benedittu XVI kellu xbieha tal-ikona titqiegħed fil-Ġonna tal-Vatikan fl-2009.
Ħafna pellegrini jżuru l-knisja f’Genazzano u jieħdu sehem fiċ-ċelebrazzjoni annwali tar-rebbiegħa, li tiġi osservata fil-25 ta’ April. F’postijiet oħra fid-dinja, il-festa tal-Madonna tal-Bon Kunsill tiġi ċċelebrata fis-26 ta’ April.
Traduzzjoni mħejjija u adattata minn Lara Zammit għal tbissima.mt. It-test oriġinali bl-Ingliż jappartjeni lill-Catholic News Agency. Ritratti kollha via Catholic News Agency Access for Editors.