Walter Sánchez Silva via EWTN News

L-Arċisqof ta’ Arequipa (Perù), Monsinjur Javier del Río, stqarr li l-qawmien ta’ Lazzru, irrakkontat fl-Evanġelju ta’ San Ġwann, huwa sinjal tal-ħakma totali ta’ Ġesù fuq il-mewt.

“L-irxoxt ta’ Lazzru huwa sinjal tad-dominju totali ta’ Ġesù fuq il-mewt fiżika u, fl-istess ħin, huwa bħal prefigurazzjoni ta’ dak li għamel Ġesù, għal dejjem, permezz tal-misteru paskwali tiegħu,” innota l-prelat f’artiklu mibgħut dan is-Sibt lill-ACI Prensa.

Dan, spjega, huwa “biex iwaqqa’ l-ħajt tal-mewt sabiex dawk li jħaddnu l-imħabba tiegħu jieħdu sehem mill-qawmien tiegħu mill-imwiet, għax l-imħabba tiegħu hija immortali.”

“Hija mħabba divina li, bħala frott tal-Għid, tingħata lilna permezz tal-Ispirtu s-Santu li Alla jagħti lil kull min jitolbu,” afferma l-arċisqof dwar il-Vanġelu ta’ dan il-Ħadd, 22 ta’ Marzu.

Monsinjur Del Río enfasizza li l-irxoxt ta’ Lazzru (Ġw 11:1-45), “huwa l-aħħar miraklu li wettaq Ġesù, li bih beda jwettaq dak li Alla kien ħabbar xi sekli qabel permezz tal-profeta Eżekjel” (Eżek 37:12-14), dwar il-ftuħ tal-oqbra biex joħorġu l-mejtin.

Fi tmiem l-Evanġelju tiegħu, l-arċisqof enfasizza, “San Ġwann jgħid li ried jgħidilna dwar l-irxoxt ta’ Lazzru u mirakli jew sinjali oħra mwettqa minn Ġesù, sabiex nemmnu li Ġesù hu l-Messija, l-Iben ta’ Alla, u biex, billi nemmnu, ikollna l-ħajja f’ismu.”

Wara li fakkar omelija tal-Papa Benedittu XVI mill-2017, li fiha afferma li, bl-irxoxt, il-ħajja “ma titkissirx,” il-prelat enfasizza li “Ġesù ma jevitax il-mewt iżda, billi jidħol fiha, jegħlibha, jeqridha, mhux biss għalih innifsu iżda wkoll għal dawk li jemmnu fiH.”

Bħala konklużjoni, l-arċisqof jenfasizza silta mill-Ittra lir-Rumani (Rum 8:11), fejn San Pawl kiteb: “Jekk l-Ispirtu li qajjem lil Ġesù mill-imwiet jgħammar fikom, dak li qajjem lil Kristu Ġesù mill-imwiet jagħti wkoll il-ħajja lill-ġisem mortali tagħkom permezz tal-Ispirtu tiegħu li jgħammar fikom.”