Ix-Xandir
Vincent Scerri ser ikun l-ewwel mistieden ta’ Veronica u Joe Farrugia fl-ewwel parti tal-programm tal-lum. Wayne Aquilina ser ikun il-mistieden fit-tieni parti. Fejn twieled u għix Vince fil-bidu tal-ħajja tiegħu? Meta ltaqa’ mal-mara tigħu? Vince li llum jgħodd 84 sena u ilu fil-qasam tax-xandir għal ħafna snin u kif qal hu stess waqt il-programm sakemm Alla jtih il-vuċi hu jibqa’ jxandar. Kif beda u din in-namra li hija ħafna għal qalbu? X’impatt ħalliet il-mużika fuqu u fuq is-semmiegħa? X’sodisfazzjon iħallilu dan il-programm tant favorit mas-semmiegħa regolari tiegħu? Wayne Aquilina imwieled il-Kalkara, min meta kien għadu l-iskola kien jinteressa ruhu f’dak kollu li kien jiġi organiżżat fl-iskola. X’kienet l-ewwel esperjenza tiegħu fil-qasam tax-xandir televiżiv? Espresso kien programm li dam għal ħafna snin . Anke waqt il-Covid kien ikun waħdu fl-istudio imma dan ħallielu ħafna sodisfazzjon għax jaf li kien ta’ sostenn lil ħafna persuni li kienu waħedhom.
