Fr Alex Busuttil MSSP
Min hu Fr Alex Busuttil mssp? Fejn hi l-missjoni tieghu? Min fejn kien? Dan kollu u aktar Francesca Briffa Polidano ser tistaqsih waqt dan il-programm. Fr Alex wara li qaddes u sar jagħmel parti mis-Soċjetà Missjunarja ta’ San Pawl, l-ewwel kien jghix u jieħu ħsieb it-tfal ġewwa Dar ta’ San Ġużepp u wara għamel ftit snin fil-missjoni fil-Pakistan, fil-Libja u issa ilu ħafna snin fil-missjoni fil-Perù. X’inhu x-xogħol tiegħu f’dan il-pajjiz li għalkemm għandu ħafna riżorsi naturali hemm il-faqar? X’inhuma l-akbar sfidi li jiltaqa’ magħhom ta’ kuljum? Kemm xi kultant isiba diffiċli biex jgħin lill ħafna u ħafna nies li jmorru għandu għall-għajnuna? Il-messaġġ ewlieni li żgur ser toħrog minn din l-intervisa hija kemm il-patrijiet kollha tas-Soċjetà Missjunarja ta’ San Pawl jemmnu fil-ġenerożità u fl-għajnujna li l-Maltin u l-Għawdxin jikkontribwixxu waqt il-maratona Oħloq Tbissima, li ser tiġi mtella’ bejn l-10 u t-12 ta’ Lulju.
