Missjoni u Spiritwalita`
Fr Martin Galea mssp ser ikun il-mistieden ta’ Francesca Briffa Polidano waqt dan il-Programm. Fr Martin huwa s-Superjur Ġenerali tal-MSSP fejn waħda mill-missjoni tiegħu hija li jkollu żjarat u laqgħat kemm f’Malta u anke kull fejn hemm il-patrijiet fil-missjonijiet mssp fil-Perù, Pakistan, Filippini u Cuba. Xi xtaqha tkun Mons Ġużeppi De Piro il-missjoni meta fl-1910 waqqaf il-kongregazzjoni ta’ patrijiet? X’inhuma l-akbar sfidi li Fr Martin ikollu jaffaċċja illum, b’differenza ta’ snin ilu? Kif jipprova jħeġġeg lill patrijiet biex lill fqar mhux biss jgħinhu f’dak li hu materjali, imma wkoll jagħtuhom doża ta ‘ spiritwalità? Ħafna kongregazzjonijiet jilmentaw b’nuqqas ta’ Vokazzjonijiet, x’inhi s-sitwazzjoni tal-mssp? F’dan il-programm ser naraw realta’ oħra minn dak li ssoltu naraw.
