Eroj tal-Imħabba Kristjana
Eroj tal-Imħabba Kristjana huwa t-titlu tal-istorja li kiteb Fr Louis Mallia u li ser jaqra lit-tfal Alisa,Leah u Jamie . Kimberly Ancilleri tippreżenta l-programm Stejqer. Din l-istorja ser teħodna fuq il-baħar. Kienet is-sena 1845 ġewwa L-Ingilterra inbena bastiment speċjali li semmgħuh Birkenhead. Dak iż-żmien kien wieħed mill-aktar vapuri moderni, magħmul mill-ħadid u bil-magni tal-fwar. Kienet is-sena 1853 meta il-vapur telaq mill-Ingilterra għall-afrika t’isfel . Fuqu kien hemm iktar minn 600 persuna, suldati, uffiċjali u xi nisa u tfal. Il-vapur kien b’saħħtu u kien jiflaħ kull tip ta’ baħar imma fil-lejl tas-26 ta’ Frar kien qrib il-kosta ta’ Gansbaai fejn tiġri traġedja. Il-vapur jaħbat mal-blat u jgħereq. X’jiġri minn dawk in-nies kollha li kienu fuqu? Min isalva u kif? X’għamel il-Kaptan li kien l-aħħar wieħed li qabez fil-baħar? Segwu din l-istorja ma’ Kimberli Ancillerri u t-tfal Leah, Alisa u Jamie.
