Traġedja tinbidel f’Barka
Traġedja tinbidel f’Barka hija l-istorja li ser jaqra Fr Louis Mallia waqt il-programm Stejqer ta’ din il-ġimgħa. Din id-darba ser immorru l-Iskozja biex niltaqgħu mal-familja Clark. Din il-famija wara li ġemmgħu l-flus, biegħu d-dar ukoll, xtaqu li jibdew ħajja ġdida fl-Amerika. Għalhekk għamlu l-passaporti u wara li ċċelebraw mal-familjari u ħbieb, kienu lesti li l-għadu filgħodu jitilqu. Imma ġara li waqt din il-festa, it-tifel ż-żgħir ingidem minn kelb u verament kellu ferita kbira. Il-missier ħa lit-tifel l-isptar u l-festa spiċċat ħesrem. It-tabib ta’ l-isptar li ra lit-tifel qal lill-missier li kemm it-tifel u anke l-familja kollha kellhom joqgħodu kwarantina minħabba li il-kelb li gidem lit-tifel seta’ kellu r-rabbies. Il-missier irrabja imma ma seta jghamel xejn, ħlief li jobdi u joqgħodu d-dar sakemm jgħaddi kollox u jmorru aktar tard. Naraw x’ġara mill-vapur li kienu ser ikunu fuqu fl-aħħar tal-istorja.
