Tema - Fr. Frankie

Din is-serje ta’ riflessjonjiet teħodna fuq vjaġġ ċkejken li jesplora l-istorja ħelwa ta’ San Franġisk u l-lupu li tinstab fil-Fjuretti ta’ San Franġisk (Kap 21). Tesplora d-dinamiċi tal-biża’, tal-agressjoni, u tat-taqbida spiritwali li huma sinonimi mar-Randan. F’kull riflessjoni naraw aspett differenti ta’ din it-taqbida, li għadda minnha wkoll Ġesu’ meta għadda żmien fid-deżert jissielet max-xitan. Il-paċi u r-rikonċiljazzjoni vera jiġu meta bħal Franġisku ta’ Assisi aħna negħlbu l-biża, u naffrontaw ir-realtajiet li jtaqqluna biex insibu l-paċi fina nfusna.