Francesca Pollio Fenton via Catholic News Agency
Fil-kultura mgħaġġla tal-lum, jista’ jkun diffiċli li nkunu nafu kif tidher l-imħabba ta’ Alla fir-relazzjonijiet tagħna.
Hawn insibu għaxar kwotazzjonijient minn xi qaddisin dwar l-imħabba u r-relazzjonijiet biex jgħinuna ngħarrfu din l-imħabba fost dawk l-aktar għal qalbna.
Santa Tereża ta’ Calcutta:
“Huwa faċli li tħobb lin-nies ’il bogħod minna. Mhux dejjem faċli li nħobbu lil dawk qrib tagħna. Huwa aktar faċli li tagħti tazza ross biex ittaffi l-ġuħ milli biex ittaffi s-solitudni u l-uġigħ ta’ xi ħadd mhux maħbub f’darna stess. Ġib l-imħabba f’darek, għax minn hawn trid tibda l-imħabba tagħna għal xulxin.”
San Ġwanni Pawlu II:
“L-imħabba qatt mhi xi ħaġa li hija lesta, xi ħaġa sempliċiment ‘mogħtija’ lir-raġel u lill-mara; huwa dejjem fl-istess ħin ‘kompitu’ li għandhom quddiemhom. L-imħabba għandha titqies bħala xi ħaġa li f’ċertu sens qatt mhi diġà lesta imma dejjem qed issir, u dak li jsir jiddependi fuq il-kontribut taż-żewġ persuni u l-profondità tal-impenn tagħhom.”
Santa Klara ta’ Assisi:
“Aħna nsiru dak li nħobbu u min inħobbu jsawwar dak li nsiru.”
San Ġwann XXIII:
“Il-karità li kienet tiddi fid-dar ta’ Nazaret għandha tkun ta’ ispirazzjoni għal kull familja. Il-virtujiet Kristjani kollha għandhom jiffjorixxu fil-familja, l-għaqda għandha tiffjorixxi, u l-eżempju tal-għajxien virtuż tagħha għandu jiddi b’mod qawwi.”
San Ġwann Krisostmu:
“Meta raġel u mara jingħaqdu fiż-żwieġ ma jidhrux aktar qishom xi ħaġa tal-art, imma pjuttost qishom ix-xbieha ta’ Alla nnifsu.”
San Josemaría Escrivá:
“Iż-żwieġ huwa hemm biex jgħin lil persuni miżżewġin iqaddsu lilhom infushom u lill-oħrajn. Għal din ir-raġuni jirċievu grazzja speċjali fis-sagrament li waqqaf Ġesù. Dawk li huma msejħin għall-istat taż-żwieġ, bil-grazzja ta’ Alla, isibu fi ħdan l-istat tagħhom dak kollu li għandhom bżonn biex ikunu qaddisa.”
San Ġwanni Pawlu II:
“L-imħabba li twassal għaż-żwieġ hija rigal minn Alla u att kbir ta’ fidi lejn bnedmin oħra.”
Santa Ġanna Molla:
“L-imħabba hija l-isbaħ sentiment li l-Mulej poġġa fl-erwieħ tal-irġiel u n-nisa.”
San Tumas ta’ Akwinu:
“Iktar ma tkun kbira l-ħbiberija, iktar ikun sod u fit-tul iż-żwieġ, peress li aħna magħqudin mhux biss fil-laħam imma fl-attività domestika.”
Il-Venerabbli Fulton Sheen:
“Jeħtieġ tlieta biex tagħmel l-imħabba, mhux tnejn: int, il-mara tiegħek, u Alla. Mingħajr Alla, in-nies jirnexxielhom biss joħorġu l-agħar f’xulxin. Min iħobb li m’għandhom x’jagħmlu xejn ħlief iħobbu lil xulxin malajr isibu li m’hemm xejn aktar. Mingħajr lealtà ċentrali, il-ħajja mhix mitmuma.”
Traduzzjoni mħejjija u adattata minn Lara Zammit għal tbissima.mt. It-test oriġinali bl-Ingliż jappartjeni lill-Catholic News Agency