F’Jum il-Missjoni, Is-Soċjetà Missjunarja ta’ San Pawl laqgħet tlett djakni ġodda: Fr David Pace min-Malta, Fr Can Tran mil-Vjetnam, u Fr Marco Cabatuando mil-Filippini ġew ordnati djakni mill-Isqof Socrates Villegas ġewwa Bataan, il-Filippini.

B’hekk niftakkru fil-messaġġ mill-Evanġelju skont San Mark: “Min irid ikun kbir fostkom, għandu jkun qaddej tagħkom” (Mk 10, 43).

It-titlu ta’ djakni ġie konferit mill-Eċċellenza Tiegħu, Dun Socrates Villegas, D.D. (Arċisqof ta’ Lingayen-Dagupan) fil-parroċċa tagħna f’Bataan, fil-Filippini nhar id-19 ta’ Ottubru.

Fr David kien ħa l-professjoni perpetwa tiegħu fi ħdan l-MSSP fil-31 ta’ Mejju.

“Impenja ruħu għall-ħajja biex jimxi mal-kariżma tal-fundatur tagħna, Ġużeppi De Piro, u biex iħabbar il-Bxara t-Tajba bħala missjunarju, f’komunjoni mar-reliġjużi u lajċi Pawlisti kollha,” qalet is-Soċjetà. Kien mument mill-qalb, iċċelebrat fil-belt twelidu ta’ Ħal Safi, Malta.