Hannah Brockhaus via Catholic News Agency
Il-Ħamis, il-Papa Franġisku ħeġġeġ lill-qwiebel u ġinekoloġi biex iwettqu l-missjoni tagħhom mhux biss b’ħiliet professjonali iżda wkoll “b’sens kbir ta’ umanità”.
Kliem il-Papa ġie mwassal f’diskors bil-miktub li ngħata waqt udjenza ma’ assoċjazzjoni ta’ qwiebel u ġinekoloġi mir-reġjun tan-Nofsinhar tal-Italja ta’ Calabria fis-6 ta’ Frar.
Bi Franġisku jbgħati minn bronkite, il-laqgħat tal-ponti nhar il-Ħamis saru fis-swali tar-residenza tiegħu Santa Marta aktar milli fil-Palazz Appostoliku.
L-Uffiċċju tal-Istampa tal-Vatikan qal li s-6 ta’ Frar Franġisku se jkompli jżomm il-laqgħat tiegħu f’Casa Santa Marta fis-7 u fit-8 ta’ Frar minħabba l-marda.
“F’mument kruċjali ta’ eżistenza bħat-twelid ta’ iben jew bint, wieħed jista’ jħossu vulnerabbli, fraġli, u għalhekk l-aktar fil-bżonn ta’ qrubija, tenerezza u sħana,” qal il-Papa lill-grupp ta’ qwiebel u ġinekoloġi.
“Jagħmel ħafna ġid, f’ċirkostanzi bħal dawn, li jkollok nies sensittivi u delikati ħdejk. Għalhekk nirrakkomandakom li tikkultivaw, minbarra l-ħila professjonali, sens kbir ta’ umanità, li jikkonferma ‘fl-erwieħ tal-ġenituri x-xewqa u l-ferħ għall-ħajja l-ġdida, fjur mill-imħabba tagħhom’ (San Ġwanni Pawlu II, Diskors lill-Qwiebel, 26 ta’ Jannar, 1980) u jikkontribwixxi biex ‘jassigura lit-tarbija twelid f’saħħtu u ferħan’”.
Il-Papa nnota t-telf ta’ entużjażmu għall-ġenituri fl-Italja u f’pajjiżi oħra, fejn il-maternità u l-paternità m’għadhomx jitqiesu bħala “l-ftuħ ta’ orizzont ġdid ta’ kreattività u hena.”
Huwa ħeġġeġ ukoll lill-qwiebel u t-tobba Kristjani biex jużaw il-“mediċina moħbija imma effettiva” tat-talb fil-prattiċi tagħhom.
Kemm jekk ikun xieraq li nitolbu direttament mal-pazjenti jew li toffri talb siekta f’qalbu stess, it-talb jista’ “jgħin biex isaħħaħ dik il-‘kollaborazzjoni ammirabbli tal-ġenituri, in-natura u Alla, li minnha jinħoloq bniedem ġdid fuq ix-xbieha u x-xebh tal-Ħallieq,’” qal, waqt li kkwota lill-Venerabbli Piju XII f’indirizz tal-1951 lill-Unjoni Kattolika Taljana.
“Inħeġġiġkom tħossu mal-ommijiet, missirijiet u wlied li Alla jpoġġi fi triqtek ir-responsabbiltà li titolbu għalihom ukoll, speċjalment fil-Quddiesa, adorazzjoni Ewkaristika, u talb sempliċi ta’ kuljum,” qal il-Papa Franġisku.
Traduzzjoni mħejjija u adattata minn Lara Zammit għal tbissima.mt. It-test oriġinali bl-Ingliż jappartjeni lill-Catholic News Agency.
Fir-ritratt: Il-Papa Franġisku jsellem lill-membri tal-Ordni Interprovinċjali tal-Professjoni tal-Qwiebel ta’ Catanzaro fis-6 ta’ Frar 2025, fir-residenza tiegħu Casa Santa Marta fil-Vatikan. Kreditu: Media tal-Vatikan. Ritratti kollha via Catholic News Agency Access for Editors