Lara Zammit

Santa Hildegard von Bingen hija possibbilment l-aktar qaddisa meqjuma tal-Medju Evu. Din is-soru Benedittina Ġermaniża u duttura tal-Knisja qabżet bil-bosta l-ambitu tad-dmirijiet reliġjużi tagħha biex tagħti kontributi f’firxa vasta ta’ oqsma, inklużi l-letteratura, il-filosofija, il-mediċina u forsi l-aktar famuż fosthom, il-mużika.

Din il-qaddisa hija akkreditata b’77 kompożizzjoni mużikali, inkluż waħda mill-eqdem drammi mużikali li għadhom jeżistu, Ordo Virtutum (Dramm tal-Virtujiet). Bdiet tikteb il-kanzunetti biss wara li laħqet superjura tal-kunvent tagħha, meta kellha kważi 40 sena.

Hildegard kitbet innijiet għall-komunità reliġjuża tagħha biex jużawhom fil-qima tagħhom.

Il-mużika ta’ Santa Hildegard hija fil-biċċa l-kbira bbażata fuq il-Kant Gregorjan, stil ta’ kanzunetta liturġika li beda t-tradizzjoni tan-notazzjoni mużikali. L-istil ta’ Santa Hildegard, madankollu, mbotta l-konfini tal-ġeneru billi uża modi ġodda biex iwassal espressjonijiet u emozzjonijiet.

Ftit hu magħruf dwar il-proċess wara l-kompożizzjonijiet ta’ Santa Hildegard – jekk it-test inkiteb l-ewwel, jew jekk ħarġet melodija u ispirat il-lirika. Huwa possibbli wkoll li l-melodiji tagħha ġew żvelati f’viżjonijiet, peress li kienet mistika magħrufa. Madankollu, huwa diffiċli li wieħed jargumenta mar-riżultati finali, li huma wħud mill-isbaħ biċċiet ta’ mużika fil-Kristjaneżmu.