Francesca Pollio Fenton via Catholic News Agency

L-intenzjoni tat-talb tal-Papa Franġisku għax-xahar ta’ Ottubru hija għal missjoni Kattolika kondiviża.

“Aħna l-insara aħna lkoll responsabbli għall-missjoni tal-Knisja. Kull qassis. Kulħadd,” qal il-Papa f’filmat maħruġ fit-30 ta’ Settembru.

“Aħna s-saċerdoti m’aħniex il-kapijiet tal-lajċi imma r-rgħajja tagħhom. Ġesù sejħilna, wieħed u oħrajn — mhux wieħed fuq l-oħrajn, jew wieħed fuq naħa u oħrajn fuq naħa oħra, imma jikkumplimentaw lil xulxin,” qal, u żied: “Aħna komunità. Għalhekk jeħtieġ li nimxu flimkien, nimxu t-triq tas-sinodalità.”

“X’nista’ nagħmel bħala xufier tal-linja? Bidwi? Sajjied? Dak li lkoll għandna bżonn nagħmlu huwa li nagħtu xhieda b’ħajjitna. Kun koresponsabbli għall-missjoni tal-Knisja.”

Is-Santu Missier irrimarka li “l-lajċi, il-mgħammdin, qegħdin fil-Knisja, f’darhom stess, u għandhom bżonn jieħdu ħsiebha. Hekk nagħmlu aħna s-saċerdoti u l-persuni kkonsagrati. Kulħadd jikkontribwixxi dak li jaf jagħmel l-aħjar. Aħna koresponsabbli fil-missjoni, nipparteċipaw u ngħixu fil-komunjoni tal-Knisja.”

Il-Papa Franġisku temm b’talb: “Ejjew nitolbu biex il-Knisja tkompli ssostni stil ta’ ħajja sinodali b’kull mod, bħala sinjal ta’ ko-responsabbiltà, li tippromwovi l-parteċipazzjoni, il-komunjoni, u l-missjoni kondiviża mis-saċerdoti, reliġjużi u lajċi.”

Il-vidjow tat-talb tal-Papa Franġisku huwa promoss mill- Pope’s Worldwide Prayer Network, li jqajjem kuxjenza dwar l-intenzjonijiet tat-talb papali ta’ kull xahar.