Is-Sinjur tal-Wied
L-istorja li kiteb u ser jaqra Fr Louis Mallia hija dwar is-Sinjur tal-Wied. Raġel li kien sinjur fil-vera sens tal-kelma u li ma kienx jagħti kaz ta’ ħaddiehor ħlief tal-flus. Kellu wkoll żwiemel, dwieli bl-għeluf, raba kemm irid u ħafna affarijiet oħra. B’danakollu hu ma kienx kuntent, ried dejjem iżjed għax ħaseb li aktar ma jakkwista aktar ikun kuntent. Ma kienx jemmen f’Alla u qatt ma kien jagħmel karità jew jgħin lill xi ħadd. John kien jaħdem miegħu, kien jieħu ħsieb ir-raba u l-animali kollha . Kien jgħix ġo tlett ikamamar fi triq dejqa mal-familja sabiħa li kellu. Għalkemm ma kienx għani imma kien kuntent. X’jiġri f’din l-istorja? Min kien is-sinjur vera? Kif inbidlet l-istorja. Segwu dan il-programm biex taraw kif tispiċċa.
