Podcast ma' Fr Stephen pt 3
Twelidt fit-23 t'Awissu 1973 fl-Ingilterra fejn missieri kien qed jgħamel studju fuq l-agrikoltura. Biss ta' 9 xhur irritornajna Malta u nħossni Malti 100%. Ingħaqadt mas-Soċjeta' Missjunarja ta' San Pawl f'Settembru 1993. Wara formazzjoni ta' 10 snin, ġejt ordnat saċerdot fl-20 ta' Ġunju 2003. Fl-2010 ġejt assenjat biex immur fil-missjoni tagħna ġol-Filippini u għadni hemm sal-lum. Kelli esperjenzi fil-Vjetnam u l-Awstralja fir-rwol li kelli ta' Vocation Director. Bħalissa l-ministeru tiegħi huwa ta' kappillan tal-PUP (Polytechnic University of the Philippines) u nieħu ħsieb il-bżonnijiet tal-fqar li jgħixu fiż-żona tagħna f'Quezon City kemm f'dak li huwa materjali u kemm dak spiritwali. Barra minn dan ngħin wkoll diversi movimenti u gruppi lajċi fil-formazzjoni tagħhom bl-irtiri u sagramenti li jitolbuna mmexxulhom.
