Podcast ma' Alan Fenech
Alan Fenech illum huwa produttur ta’ sensiliet doku-drama u anke ta’ sensiliet ta’ drama fuq it-Televiżjoni Maltija. Huwa wkoll l-kap tal-iskola tad-drama u taz-zfin , dik li qabel kienet tissejjaħ l-MTADA . Għall 21 sena fi żmien tar-Randan għamel il-parti ta’ Ġesu’ waqt xi ‘pageant’ tal-passjoni. Din il-parti bidlitlu ħajtu għax ħass li kellu responsabbilta’ kbira biex jinterpreta u jgħix din il-parti tul ħajtu. Kellu bosta partijiet interessanti u diffiċli li nterpretahom b’ħila kbira. Il-familja tiegħu dejjem kienet hemm u tagħtu pariri li għenuh kemm f’dak li għadda minnu fil-pożittiv u anke fid-diffikultajiet. L-aktar ħaga li jobgħod hija n-nuqqas ta’ sinċerita’. L-aktar ħaga li jħobb hija meta persuna tkun altruista u l-lealta’.
